Sos Mios Montiios

Sos mios montijos nieddos han bidu pagas bias su sole
Issas abbaidant sempre a nord
a s'ala de su mare frittu de sos pisches.
Sa muzzere de Lot no fi bistada 'e salippa si fit imbarada indifferente
Comente sos mios montijos nieddos
Chi sunt cuntentos candho s'arveschida illatat sa capella de sant'Andria.

Sos mios montijos carrant sas monedas illuzigadas de marthu
Candho su sole bubbusat in d'ogni busciacca.
Iassas sunt sas Alpes mias e abbaidant sas rosas a triulas

Friscas che piseddas faladas da-e su chelu.

In ierru sos frujones de sa ranzola carignant
S'arva ippinosa de Monte Acuto
Candho 'endidores de fiados bulos
accuccados in carchi cussordza asciant
sos ojos
E narant:
De chie hant a essere cussos montijos famidos
Chi sa biccaccia e sa puddha 'e abba hant abbandonadu?
De unu poeta?
Prodeus
hat a essere poveru in canna.

Los intendo
e su coro meu s'est anniccadu?



Stefano Tedde
Nato a ss il 26 12 1977
Residente adArdara
cap 07010
via trieste 9
stefalbtedde@vigilio. it