OZIERI

PERLA DE LOGUDORO

Chie no t'ischit e chie 1..
Chi ses perla e' Logudoro;
C'has nobilesa e decoro
Su titulu han dadu a tie.

Ca ses nobile zittade
signorile, industriosa;
in dogni tempus famosa
finas in s'antighidade.
L'isponen a veridade
sas provas de ogni die.
Si nobile est de gasie
su nomen tou in Sardigna,
chi nde ses de custu digna
Chie no t'ischit e chie !..

Chie no chi rara
tenes forma e positura !..
Chi tenes aria pura,
terra ona e abba giara 1..
Sos ojos ti biden cara;
dulche t'intenden su coro.
Bella t'hat nadu su Moro;
Su Grecu bella t'hat nadu,
e totus l'han cunfirmadu
Chi ses perla e, Logudoro.

"In dogn'epoca lontana
has tentu lustre figura;
de sos donos de natura
fis e ses ricca funtana.
In s'arte sacra e profana
has tentu una manu e' oro,
de chie esserat l'ignoro
comente l'ignoran totu,
ma tue pro cuss'Ignotu
Has nobilesa e decoro.

Artistas de Aragona
t'han fatu sa Cattedrale:
opera monumentale,
sa menzus de cussa zona.
Cantareddu, s'abba ona,
lezer'e frisca che nie;
sos marmaros de inie
dedicados a Crixone
"de bellesa campione
Su titulu han dadu a tie.

Pantaleo Serra.

ROMA==Via Fillide 39,