OMAGGIO ALLA BEATA VERGINE DEL RIMEDIO OZIERI

del Poeta ANTONIO ZOCCHEDDU di ALLAI(Cagliari)

Vergine sa celeste Santa Sede
De amore profundu preg'ha Tie
Dia s'ogni meritu ogni mercede

Dognora de su notte de su die
Vergine d'est a Tie s'invocada
Sa prima gianna c'abbelzadas'a mie

In su clero Divinu laudada
De dogni sfortunadu s'appagante
Che prima Genitrice s'istimada

Si cu maner'istrana sa baccante
Oe calq'unu fiz'essera tentu
Faghelu de amore dominante

Adorare su Santu Sacramentu
Benza currende dogni ilmentigadu
Pienu de amore pentimentu

E siad'ibentidu e su passadu
Giured'a Tie un'attera vida
S'amente chi l'has Tue perdonadu

Vergine Mamma vera sel guida
De zente de amparu festivale
De medas visitada Ti sel bida

Qust'he sa prima base essenziale
Tenner'in Te sa viv'isperanzia
De Ti faghe sa festa padronale

Su comitadu de alt'importanzia
Oe faghed'ha Tie grad'omaggiu
De bonu coro e de vera costanzia

Si faghe lu podia su viaggiu
Visita Tie cun su comitadu
Ti Tia dare doppiu vantaggiu

Su Capu Presidente interessadu
Cun sos ateros membros dirigentes
Han fide religiosa professadu

Medas cantu bindad'appartenentes
Interessados pro Ti faghe festa
Faghelol de fortuna possidentes

Sa generosa mia manu dresta
Descrie su poeticu faeddu
Otieri pro Te zente onesta

In onore Pirastru e de Cubeddu
Decanta su poeta innol de gloria
Cust'é su primu omaggiu de Zoccheddu

Otieri sa fama meritoria
T'immortala s'onore a tempol mannos
Passas de in ' istoria in'istoria

Festeggie sa Beata largos annos
Chi dogni Saldu l'appad ' in memoria.


ALLAI(Cagliari), 29/9/1957