(COROS IN FESTA)

1
Sonana sas campanas:s'armonia
de cussos brunzos azzenden s'aera,
e a issa sos cantos
melodiosos tantos
de sos puzones,che in primavera,
lis faghen'amorosa cumpagnia.

2
Oe est festa: in giubilu sos coros
sun tottucantos:tott'est gioia e risu
custa solenne die.
Forsi non c'hada e chie?
non godat oe custu Paradisu
essende tottu in issa sos addoros!

5
Est a festa ogni via pavesada,
sa 'idda tott'est posta in movimentu;
sos minores in pannos
non capini,e sos mannos
su matessi. Est pro s'avvenimentu
ogni cosa a su bellu preparada.

4
Est in festa sa cheja: e s'altare
est istellada a petalos dorados;
profumos e incensos
si cunfunden'immensos
in tottas battor'angolos sagrados
c'a s'anima dat forz'a pius pregare.

5
Est paghe tottu,tott'est allegrias
de oe custas oras e istantes.
Su sero,appena tardu,
tott'est folklore sardu:
cursa de caddos,rodas dettonantes,
garas de ballos e de poesias,

6
Sun sos coros in festa,e pro sa festa
han'abertu sas giannas,e in tottue?
No! ca caliguna,
pro pena o disfortuna,
est serrada! Est signale ch ' in cue
calchi coro s'agattat in tempesta!

7
S ' in tempest'est cal'unu a cand'est ch'istas
festante? curre lestru e bussa inie
e d'a s'isconsoladu
cunfortu! e sullevadu
siat in custas oras de—a tie
de cussas suas penas troppu tristas.

8
Bae,e non dudes,pienu de tantos
cunfortos,già ti divertis poi!
e faghende tesoro
de cussu tristu coro
in lagrimas isoltu! solu goi
sun sos coros in festa tottucantos.

autore: RUGGIU GIOVANNI

Indirizzo:
RUGGIU GIOVANNI
SAMATZAI (Cagliari)