A CASA DU BABBA'

U gottu è sbrattu
annat'a tola scunta
i carafuddhuli du pani neru
so' un caricu pisanti
pe' i frummiculi più cuddhuti
l'aria è di nivi
addaret'ai vedri da finestra
scurticata da u liternu
a cinnara è ghjlata
dopu una nuttata in biancu.
A casa du babbà
cusì vota di tuttu
è a mè priziosa buatta
undi ritròu cu me' mondu
i parali amari e durci
d'una vorta
e scindichigghju
a u bugghju
u catagnonu fridu
undi m'accucciulàju
solu, criaturu,
e là mi posu
120
cu baeddhu annant'ai ginocchj
cum'una vorta
pe' fà parlà u silenziu.