DOZZI È LA NOTTI

Dozzi è la notti
chi cun mani tennari carigna
li pinsamenti chi so' ricamendi
nuareddi isthrazzuradi da lu ventu
cu li raggi di pratha di la luna.
È dozzi paschì arregga li prufumi
chi lu lintori fazi più licchitti e più suabi.
È dozzi pa li fori chi tu vibi
sunniendiri a occi aberthi
cand'andani lizeri che traineddi
e v'hani lu curari di giampana
e saori d'attentu .
E lu cori curri. .. curri
a briglia iscioltha
i l'utturini di la fantasia
e li disizi so' cument'e fiori
chi ipuntani a la luzi di l'isthelli.
Dozzi è la notti
chi arregga cu l'arenu di lu ventu
piubaru d'ammenti
e imprumissi di grazi.